ᐋᑲᔅᑎᓐ ᑲᕆᐱ, ᐱᒋᐊᕐᑎᓯᔨ ᖃᔭᕆᐊᓕᐅᕐᓂᒥ ᓈᕐ-ᐅᐃᔅᑯᓐᓂ, ᐃᓅᓕᕐᑐᕕᓂᖅ ᐊᓪᐴᑕᒥ, ᑲᓇᑕᒥ, ᑕᓯᖏᓐᓂ Esclaves. ᖃᔭᕆᐊᓂ ᐱᐅᑦᓴᓯᒪᔪᖅ ᐱᐊᕋᐅᓕᕐᓂᕋᒥᓂᑦ. ᐃᑲᔪᖃᑦᑕᓯᔪᕕᓂᖅ ᐊᑖᑕᒥᓂᑦ ᖃᔭᕆᐊᓕᐅᕈᑦᔨᑎᓪᓗᒍ ᐊᑦᓴᓐ ᐸᐃ ᑲᒻᐸᓂᒃᑯᓂᒃ.

1938 ᐊᑯᓐᓂᖓᓂ, ᑲᕆᐱ ᐱᓇᓱᓚᐅᕐᑐᕕᓂᖅ ᐊᕐᑎᒃ ᐅᒥᐊᓕᐊᕐᑎᖏᓐᓄ ᖃᔭᕆᐊᓕᐅᕐᑎᖏᓐᓄᑦ ᐃᐊᑦᒪᓐᑕ, ᐊᓪᐴᑕᒥ. ᐃᓕᑦᓯᔪᕕᓂᖅ ᖃᔭᕆᐊᓕᐅᕐᓂᒥ ᖃᔭᕆᐊᕆᔭᐅᓂᐊᕐᑐᓂ ᐅᔭᕋᓐᓂᐊᑎᓄᑦ  ᓈᕐ ᐅᐃᔅ ᑲᓇᑕᒥ.

ᐊᕐᕌᒍᐃᑦ ᐊᓂᒍᕐᒪᑕ, ᑯᐸᐃᒻᒥᐅᕈᓕᕐᓂᒥᔪᖅ ᐅᓇᑕᕐᓂᔪᐊ ᑐᖓᓕᐊ ᐊᑑᑎᓕᕐᑎᓗᒍ. ᑲᕙᒪᑐᖃᒃᑯᓄᑦ ᐱᓇᓱᑦᑎᑖᕆᔭᐅᓯᔪᕕᓂᖅ ᑲᓇᐃᑎᐊᓐ ᓱᑲᑦᑐᔭᓂᒃ ᐅᒥᐊᓕᐅᕐᑏᑦ ᑲᒻᐸᓂᖓᓄᑦ ᓚᓰᓐ, ᑯᐸᐃᒻᒥ.

1945 ᒥᑦᓵᓂ, ᓇᒻᒥᓂᕐᒥᓂ ᓂᐅᕕᕐᕕᒥ ᐅᒃᑯᐃᓯᓐᓂᖁᖅ. ᐱᒋᐊᕐᓂᖓᓂ, ᓂᐅᕐᕈᓯᕐᕕᖏᑦ ᐊᐱᑦᓯᐲᒥᐅᖑᓂᕐᓴᐅᓚᐅᔪᑦ ᑯᐸᐃᒻᒥ. ᐆᑦᑐᕋᐅᑎᖏᑦ ᖃᔭᕆᐊᓕᐊᖏᑦᑕ ᐊᑦᔨᐸᓱᖃᓚᐅᔪᑦ ᐃᓕᑦᓯᔭᕕᓂᖏᓐᓂ ᖃᔭᕆᐊᓕᐅᕐᓂᒥ ᐊᓪᐴᑕᒥ; ᐅᖀᑦᑑᓂᕐᓴᐅᓱᓂ ᒪᙯᒍᑎᑦᓴᔭᐅᒐᒥ ᐃᖃᓪᓕᐊᕈᑎᑦᓴᔭᐅᑦᓱᓂᓗ. ᑌᒃᑯᓇᓂ ᐊᕐᕌᒍᓂ ᑲᒻᐸᓂᒥᓂ ᐊᑦᓰᓯᔪᕕᓂᖅ ‘ᖃᔭᕆᐊᑦ ᓈᕐ-ᐅᐃᔅ ᐃᖕᑯᐊᐳᕆᑎᑦ’.

1960ᒥ, ᐊᕐᕌᒍᓂ ᖁᓕᓂ ᖃᔭᕆᐊᓕᐅᕐᑎᐅᓕᕐᓱᓂ ᓇᒻᒥᓂ ᑲᒻᐸᓂᒥᓂ, ᐃᓕᑕᕆᔭᐅᑎᑦᓯᓯᔪᕕᓂᖅ ᐱᖁᔭᑎᒍᑦ. ᓂᐅᕕᐊᑦᓴᖏᑦ ᐱᒋᔭᐅᒍᒪᓕᕐᓯᒪᓪᓚᕆᑦᑐᑦ ᐱᓗᐊᕐᑐᒥ ᐃᓄᕕᐊᓗᐃᑦ ᓄᓇᑦᓴᔭᖏᓐᓂ, ᐋᓐᑕᕆᐅ ᓯᕿᓂᖓᓂ ᑯᐸᐃᒻᒥᓗ. ᑌᒪᖕᖓᓂᑦ, ᑖᓐᓇ ᑲᒻᐸᓂ ᐱᐅᓯᒋᐊᖏᓐᓇᕋᓱᓲᖅ ᖃᔭᕆᐊᓕᐅᕐᓂᒥᓂ ᐱᓗᐊᕐᑐᒥ ᖃᔭᕆᐊᒥᓂ ᑌᔭᐅᔪᒥ “fréteur”. ᐆᑦᑐᕋᐅᑏᑦ ᐊᑦᔨᒌᑐᑦ ᓴᓇᔭᐅᒍᓐᓇᓕᕐᖁᑦ ᑕᑭᓂᓖᑦ 12ᒥᑦ 26ᒧᑦ ᑎᑭᑦᑐᓂᒃ ᓈᕐ-ᐅᐃᔅᑯᑦ ᖃᔭᕆᐊᓕᐅᕐᑎᖏᓐᓄᑦ.

ᐱᔭᑦᓴᖏᓐᓂ ᑲᕆᐱᐅᑉ ᐱᒻᒪᕆᐅᓂᕐᐹᖅ ᐱᐅᓂᕐᓴᓕᐅᒃᑲᓂᕋᓱᐊᕐᓂᖅ ᓂᐅᕕᐊᑦᓴᓕᐊᒥᓂᒃ ᓇᒻᒪᓴᑦᓯᐊᖁᓪᓗᒋᑦ ᓂᐅᕕᐅᕐᑐᑦ. 1994ᖑᑎᓪᓗᒍ, ᐃᕐᓂᖏᑦ ᓯᑕᒪᑦ ᑲᕆᐱᐅᑉ ᑲᒻᐸᓂᒥ ᑲᔪᓯᒃᑲᐃᔨᖕᖑᓚᐅᔪᕗᑦ ᐱᐅᔪᒻᒪᕆᓐᓂᓗ ᓴᓇᓂᕐᒥ ᑲᔪᓯᖁᔭᐅᑦᓱᑎᑦ ᐊᑖᑕᒥᓄᑦ. ᐊᕐᕌᒍᐃᑦ ᐊᓂᒍᕐᑎᓗᒋᑦ, ᑖᓐᓇ ᑲᒻᐸᓂ ᐃᓚᒌᓄᑦ ᐊᐅᓚᑕᐅᔪᖕᖑᓯᒪᕗᖅ ᖃᐅᔨᒪᓂᕐᒥᓗ ᐃᓕᑦᓯᖃᑎᒋᓐᓂᖃᕐᓱᑎᒃ, ᑲᔪᓯᓂᐊᕐᑐᒥ ᑭᖑᕚᕇᑎᒍᑦ.

2012ᒥᓂᑦ, ᑕᒪᓐᓇ ᑲᔪᓯᑎᑕᐅᑦᓯᐊᖁᖅ ᐃᕐᖑᑕᖏᓐᓄᑦ ᑲᕆᐱᐅᑉ ᒪᕐᕉᓄᑦ, ᐊᑎᖏᒃ ᑳᕐᓪ ᐊᒻᒪᓗ ᑕᒥᓂᒃ.